చిరంజీవి కథానాయకుడిగా నటిస్తున్న చిత్రం ఖైదీ నంబర్‌ 150 తమిళంలో విజయవంతమైన ‘కత్తి’కి రీమేక్‌గా రూపొందుతోంది. కాజల్‌ కథానాయిక. V.V.వినాయక్‌ దర్శకత్వం వహిస్తున్నారు. కొణిదెల ప్రొడక్షన్స్‌ కంపెనీ పతాకంపై రామ్‌చరణ్‌ నిర్మిస్తున్నారు. డెబ్బై శాతం చిత్రీకరణ పూర్తయింది. సంక్రాంతికి చిత్రాన్ని ప్రేక్షకుల ముందుకు తీసుకురావడం ఖాయమని మరోమారు రామ్‌చరణ్‌ ప్రకటించారు. ఆయన మాట్లాడుతూ ‘‘సామాన్యుడి కోసం పోరాటం చేసిన ఓ ఖైదీ కథ ఇది. తమిళంలో ప్రేక్షకుల మెప్పు పొందిన ‘కత్తి’కి మనదైన వాతావరణాన్ని జోడించి తెరకెక్కిస్తున్నారు దర్శకుడు. నాన్న తెరపై కనిపించే విధానం చాలా బాగుంటుంది. ప్రచార చిత్రాలకి మంచి స్పందన లభించింది. ఇటీవలే డబ్బింగ్‌ కార్యక్రమాలు మొదలయ్యాయి. సంక్రాంతిని పురస్కరించుకొని వచ్చే జనవరిలో చిత్రాన్ని ప్రేక్షకుల ముందుకు తీసుకొస్తాం’’ అన్నారు. బాలీవుడ్‌ నటుడు తరుణ్‌ అరోరా ప్రతినాయకుడి పాత్రలో నటిస్తున్నారు. ఈ చిత్రానికి సంగీతం: దేవిశ్రీప్రసాద్‌, ఛాయాగ్రహణం: రత్నవేలు
No comments:
Post a Comment